"Galatasaroy" katta ehtimol bilan yanvar oyida chap qanot himoyachisi Anxelinyoning ijarasini bekor qiladi.
Jurnalist Fabrisio Romano xabariga ko‘ra, ispaniyalik futbolchi "RB Leypsig"ga qaytishi kerak.
Manbaning xabar berishicha, Anxelinyo xizmatlariga beshga yaqin turli klublar qiziqish bildirmoqda.
Ispaniyalik futbolchi faoliyatini davom ettirish uchun barcha imkoniyatlarni faol o‘rganib chiqmoqda.
Eslatib o‘tamiz, Anxelinyo o‘tgan yozda ijara asosida "Galatasaroy"ga o‘tgandi. “Manchester Siti”ning sobiq futbolchisi joriy mavsum Turkiya chempionatida sakkizta o‘yin o‘tkazib, bitta golli uzatmani amalga oshirdi.
