"Галатасарой" катта эҳтимол билан январь ойида чап қанот ҳимоячиси Aнхелиньонинг ижарасини бекор қилади.
Журналист Фабрицио Романо хабарига кўра, испаниялик футболчи "РБ Лейпциг"га қайтиши керак.
Манбанинг хабар беришича, Aнхелиньо хизматларига бешга яқин турли клублар қизиқиш билдирмоқда.
Испаниялик футболчи фаолиятини давом эттириш учун барча имкониятларни фаол ўрганиб чиқмоқда.
Эслатиб ўтамиз, Aнхелиньо ўтган ёзда ижара асосида "Галатасарой"га ўтганди. “Манчестер Сити”нинг собиқ футболчиси жорий мавсум Туркия чемпионатида саккизта ўйин ўтказиб, битта голли узатмани амалга оширди.
