Yorqin va hujumkor o‘yinlari bilan muxlislar mehrini qozongan mohir himoyachi Umar Adhamzoda keyingi faoliyatini Toshkentning "Paxtakor" jamoasida davom ettiradigan bo‘ldi.
Uning "Neftchi" bilan amaldagi shartnomasi hamda moliyaviy muammolarni poytaxt klubi o‘z mablag‘i hisobiga hal etishga rozilik bildirdi va yakunda futbolchi "Paxtakor" futbol klubiga transfer qilindi.
Umar Adxamzoda o‘tgan mavsumda O‘zbekiston Superligasida 24 uchrashuvda maydonga chiqdi va uch gol urib, yana shuncha golga assistentlik qildi. Shuningdek futbolchi O‘zbekiston kubogi musobaqasida ikkita uchrashuvda maydonga chiqib ikki gol muallifiga aylangan.
Umar "Neftchi" safida 3 yildan buyon to‘p surib, 69 uchrashuvda maydonga chiqdi va 6 ta gol kiritib, 10 ta golga assistentlik qilgan.
"Neftchi" rahbariyati futbolchiga jamoanining rivojiga qo‘shgan munosib hissasi uchun samimiy minnatdorchilik bildirib, uning keyingi faoliyatida ulkan muvaffaqiyatlar tilaydi" - deyiladi farg‘onaliklar rasmiy bayonotida.
