"Galatasaroy" hujumchisi Dris Mertens MLS klublari va Saudiya Arabistoni chempionati qiziqishlari nishoniga aylangan.

36 yoshli futbolchining kelajagi noma’lumligicha qolmoqda, chunki uning amaldagi shartnomasi mavsum oxirida tugaydi. Nomi oshkor etilmagan Amerika va Saudiya klublari vaziyatdan unumli foydalanish niyatida.

Insayder Ekrem Konurning fikricha, belgiyalik qishki transfer oynasi ochilgan yanvar oyidayoq Yevropa futbolini tark etishi mumkin.

Dris Mertens joriy mavsumda “Galatasaroy” safida 25 ta o‘yinda maydonga tushib, 4 ta gol va 4 ta golli uzatmaga mualliflik qilgan. Transfermarkt ma’lumotlariga ko‘ra, sobiq "Napoli" yulduzining transfer qiymati 2 million yevroni tashkil qiladi.