"Галатасарой" ҳужумчиси Дрис Мертенс МЛС клублари ва Саудия Арабистони чемпионати қизиқишлари нишонига айланган.
36 ёшли футболчининг келажаги номаълумлигича қолмоқда, чунки унинг амалдаги шартномаси мавсум охирида тугайди. Номи ошкор этилмаган Америка ва Саудия клублари вазиятдан унумли фойдаланиш ниятида.
Инсайдер Экрем Конурнинг фикрича, бельгиялик қишки трансфер ойнаси очилган январь ойидаёқ Европа футболини тарк этиши мумкин.
Дрис Мертенс жорий мавсумда “Галатасарой” сафида 25 та ўйинда майдонга тушиб, 4 та гол ва 4 та голли узатмага муаллифлик қилган. Transfermarkt маълумотларига кўра, собиқ "Наполи" юлдузининг трансфер қиймати 2 миллион еврони ташкил қилади.
