Londonning "Chelsi" jamoasida o‘ynayotgan qanot himoyachisi Mark Kukurelya yanvar oyidagi transfer oynasida klubini o‘zgartirishi mumkin. Bu haqda Todofichajes nashri xabar bermoqda.
Manbaning xabar berishicha, qishki transfer oynasida o‘z tarkibini kuchaytirmoqchi bo‘lgan "Sevilya" 25 yoshli ispaniyalik futbolchini o‘z safiga qo‘shib olmoqchi. "Chelsi" bosh murabbiyi Maurisio Pochettino Markga ishonmaydi va shuning uchun uning andalusiyaliklar safiga o‘tishi juda real ko‘rinadi.
Himoyachining transfer qiymati 25 million yevroga baholanmoqda. Tomonlar o‘rtasidagi amaldagi shartnoma 2028 yilning iyun oyi oxirida yakuniga yetadi.
