Yarim himoyachi Abbosbek Fayzullayev qishki transfer oynasida SSKAni tark etmaydi. Bu haqda 20 yoshli futbolchi bilan hamkorlik qiluvchi ProSports agentligi rahbariyati xabar berdi.
“Biz qishda Fayzullayev bo‘yicha takliflarni ko‘rib chiqmoqchi emasmiz. Biz u bilan buni muhokama qildik va klub bilan bu qanday bo‘lishi kerakligi va eng muhimi qachon bo‘lishi haqida umumiy ichki tushunchaga egamiz", - dedi agent Qaxxor Mo‘minov Sport-Ekspress nashriga bergan intervyusida.
Joriy mavsumda Fayzullayev moskvaliklar safida 18 ta o‘yinda maydonga tushdi.