Klublar o‘rtasidagi jahon chempionati final uchrashuvida “Manchester Siti” Braziliyaning “Fluminense” klubi ustidan yirik hisobda g‘alaba qozondi. Himoyachi Natan Ake jamoasining muvaffaqiyati haqida gapirdi.
“Bu qiyin o‘yin bo‘ldi. Biz ajoyib futbol ko‘rsatadigan yaxshi raqibga qarshi turdik. "Manchester Siti" bu o‘yinda chidamlilik ko‘rsatdi. Biz ko‘p gol urishni va o‘z darvozamizni yopiq holda saqlashni istardik – muvaffaqiyatga erishdik. Jamoa bu yil g‘alaba qozonib, beshinchi sovrinni qo‘lga kirita olganidan xursandman", - deya himoyachining so‘zlarini keltiradi FIFA matbuot xizmati.
Eslatib o‘tamiz, o‘yin ingliz klubining 4:0 hisobidagi g‘alabasi bilan yakunlangan edi.
