Клублар ўртасидаги жаҳон чемпионати финал учрашувида “Манчестер Сити” Бразилиянинг “Флуминенсе” клуби устидан йирик ҳисобда ғалаба қозонди. Ҳимоячи Натан Аке жамоасининг муваффақияти ҳақида гапирди.
“Бу қийин ўйин бўлди. Биз ажойиб футбол кўрсатадиган яхши рақибга қарши турдик. "Манчестер Сити" бу ўйинда чидамлилик кўрсатди. Биз кўп гол уришни ва ўз дарвозамизни ёпиқ ҳолда сақлашни истардик – муваффақиятга эришдик. Жамоа бу йил ғалаба қозониб, бешинчи совринни қўлга кирита олганидан хурсандман", - дея ҳимоячининг сўзларини келтиради ФИФА матбуот хизмати.
Эслатиб ўтамиз, ўйин инглиз клубининг 4:0 ҳисобидаги ғалабаси билан якунланган эди.
