"Manchester Yunayted" himoyachisi Viktor Lindelyof bo‘lajak o‘yinlarda jamoasiga yordam bermaydi.

Futbolchi 6 dekabr kuni "Chelsi" bilan o‘yindagi jarohati tufayli almashtirilgandi. Bu hafta u allaqachon mashg‘ulotlarda qatnashgan, ammo keyinroq bo‘g‘imdagi kichik muammolar tufayli operasiya qilish kerak bo‘lgan.

Operasiya muvaffaqiyatli o‘tdi va endi shifokorlarning fikricha, futbolchi bir oydan sal ko‘proq vaqtni o‘tkazib yuboradi.

Shuningdek, himoyachilar Garri Maguayr va Lisandro Martines yanvar oyi o‘rtalarida jarohatidan qaytishi kutilayotgani, yarim himoyachi Kristian Eriksen esa bugun, 23 dekabr kuni "Vest Xem"ga qarshi o‘yinga tayyor bo‘lishi xabar qilingan.

Joriy mavsumda Lindelyof “Manchester Yunayted” safida 18 ta o‘yinda maydonga tushib, 1 ta gol va 1 ta golli uzatmaga mualliflik qilgan.