"Манчестер Юнайтед" ҳимоячиси Виктор Линделёф бўлажак ўйинларда жамоасига ёрдам бермайди.
Футболчи 6 декабрь куни "Челси" билан ўйиндаги жароҳати туфайли алмаштирилганди. Бу ҳафта у аллақачон машғулотларда қатнашган, аммо кейинроқ бўғимдаги кичик муаммолар туфайли операция қилиш керак бўлган.
Операция муваффақиятли ўтди ва энди шифокорларнинг фикрича, футболчи бир ойдан сал кўпроқ вақтни ўтказиб юборади.
Шунингдек, ҳимоячилар Гарри Магуайр ва Лисандро Мартинес январь ойи ўрталарида жароҳатидан қайтиши кутилаётгани, ярим ҳимоячи Кристиан Эриксен эса бугун, 23 декабрь куни "Вест Хэм"га қарши ўйинга тайёр бўлиши хабар қилинган.
Жорий мавсумда Линделёф “Манчестер Юнайтед” сафида 18 та ўйинда майдонга тушиб, 1 та гол ва 1 та голли узатмага муаллифлик қилган.
