"Chelsi" bosh murabbiyi Maurisio Pochettino jamoasi APLning keyingi 3 turida turnir jadvalining quyida joylashgan jamoalarini mag‘lub eta olishiga umid qilmoqda. Eslatib o‘tamiz, "ko‘klar" ayni paytda o‘ninchi o‘rinda bormoqda.
“Maqsadimiz “Vulverxempton”ga qarshi birinchi o‘yinda g‘alaba qozonish. Keyin uch kundan keyin “Kristal Pelas” bilan, uch kundan keyin esa “Luton” bilan ham shunday qilishga harakat qilamiz. Uchala o‘yinda ham g‘alaba qozonsak ajoyib bo‘ladi. To‘qqiz ochko bizga jadvalda yuqoriga ko‘tarilishga yordam beradi" - dedi Pochettino matbuot anjumanida.
Eslatib o‘tamiz, “Chelsi” ertaga Toshkent vaqti bilan soat 18:00da “Vulverxempton”ga qarshi maydonga tushadi.
