"Челси" бош мураббийи Маурисио Почеттино жамоаси АПЛнинг кейинги 3 турида турнир жадвалининг қуйида жойлашган жамоаларини мағлуб эта олишига умид қилмоқда. Эслатиб ўтамиз, "кўклар" айни пайтда ўнинчи ўринда бормоқда.
“Мақсадимиз “Вулверхэмптон”га қарши биринчи ўйинда ғалаба қозониш. Кейин уч кундан кейин “Кристал Пэлас” билан, уч кундан кейин эса “Лутон” билан ҳам шундай қилишга ҳаракат қиламиз. Учала ўйинда ҳам ғалаба қозонсак ажойиб бўлади. Тўққиз очко бизга жадвалда юқорига кўтарилишга ёрдам беради" - деди Почеттино матбуот анжуманида.
Эслатиб ўтамиз, “Челси” эртага Тошкент вақти билан соат 18:00да “Вулверхэмптон”га қарши майдонга тушади.
