"Manchester Siti"ning 19 yoshli himoyachisi Riko Lyuis jamoa bilan 5 ta turnirda g‘alaba qozondi: Angliya Premyer-ligasi, Angliya kubogi, Chempionlar ligasi, Yevropa Superkubogi va klublar o‘rtasidagi jahon chempionati. Bu haqda Squawka portali xabar bermoqda.

Umuman olganda, Riko Lyuis "Manchester Siti" safida barcha rasmiy turnirlarda 39 ta o‘yinda qatnashib, 2 ta gol va 3 ta golli uzatmaga mualliflik qilgan. Transfermarkt portali xabariga ko‘ra, futbolchining taxminiy qiymati 38 million yevroni tashkil qiladi.

Eslatib o‘tamiz, kecha, 22 dekabr kuni "Manchester Siti" hamda Braziliyaning "Fluminense" klublari o‘rtasida Klublar o‘rtasidagi JCH-2023 final uchrashuvi bo‘lib o‘tdi. "Shaharliklar" 4:0 hisobida g‘alaba qozonib, turnir g‘olibi bo‘ldi.