Diyego Simeone "Atletiko"ning joriy yilgi faoliyatiga baho berdi.
Madridliklar bosh murabbiyi La Liga doirasida "Sevilya"ga (1:0) qarshi o‘yindan so‘ng o‘z fikrlarini bildirib o‘tdi.
“Biz 5 o‘yindan iborat qiyin taqvimga qarshi katta kuch sarflab g‘alaba qozondik. Avvalgi uchrashuvda ham kamchilikda o‘ynagandik, bugun esa uddaladik.
Biz juda yaxshi yil o‘tkazdik. 50 ta uchrashuvda yigitlar bor-yo‘g‘i 8 marta mag‘lub bo‘lishdi, 34 ta g‘alaba qozonishdi va 104 ta gol urishdi. Shunday qilib, dekabrdan dekabrgacha bo‘lgan yil juda yaxshi bo‘ldi.
Oldinda mavsumning ikkinchi qismi turibdi. Jamoa o‘sib bormoqda. Biz yaxshiroq himoyalanishimiz kerak, buning ustida ishlaymiz”, - dedi Simeone.
