Диего Симеоне "Атлетико"нинг жорий йилги фаолиятига баҳо берди.

Мадридликлар бош мураббийи Ла Лига доирасида "Севилья"га (1:0) қарши ўйиндан сўнг ўз фикрларини билдириб ўтди.

“Биз 5 ўйиндан иборат қийин тақвимга қарши катта куч сарфлаб ғалаба қозондик. Аввалги учрашувда ҳам камчиликда ўйнагандик, бугун эса уддаладик.

Биз жуда яхши йил ўтказдик. 50 та учрашувда йигитлар бор-йўғи 8 марта мағлуб бўлишди, 34 та ғалаба қозонишди ва 104 та гол уришди. Шундай қилиб, декабрдан декабргача бўлган йил жуда яхши бўлди.

Олдинда мавсумнинг иккинчи қисми турибди. Жамоа ўсиб бормоқда. Биз яхшироқ ҳимояланишимиз керак, бунинг устида ишлаймиз”, - деди Симеоне.