Britaniyalik milliarder Jim Retkliff «Manchester Yunayted»ning 25 foiz aksiyalarini qo‘lga kiritgach, o‘z rejalari bilan o‘rtoqlashdi.

«Butun umr ushbu jamoaga muxlislik qilib kelgan mahalliy inson sifatida «Manchester Yunayted» direktorlar kengashi bilan shartnoma borasida kelishuvga erishganimdan xursandman. Klubning tijoriy muvaffaqiyatlari yuqori saviyadagi sovrinlarni qo‘lga kiritishda yordam bergan. Ammo so‘nggi yillarda ushbu salohiyat to‘liq ochilmayapti. Klub yanada takomillashishi uchun o‘z bilim, tajribamizni ishga qolamiz. Shuningdek, «Old Trafford»ga investisiya kiritamiz.

Bu klubga uzoq yillar davomida daxldor bo‘lishni istaymiz. Oldimizda qiyinchiliklar va mashaqqatli mehnat kutib turganini bilamiz. O‘z ishimizga jiddiy, professional va katta ishtiyoq bilan yondoshamiz. Klub oldinga qadam tashlashi uchun biz barcha bilan — boshqaruv a’zolari, xodimlar, o‘yinchilar va muxlislar bilan ishlamoqchimiz. Bizning umumiy maqsadlarimiz aniq: «Manchester Yunayted» o‘z o‘rniga — Angliya, Yevropa va jahon futbolining eng yuqori cho‘qqisiga qaytishiga erishish — barchamizning maqsadimiz», – dedi Retkliff.