“San-Paulu” himoyachisi Lukas Beraldo faoliyatini “PSJ”da davom ettirishi mumkin, deya xabar bermoqda jurnalist Fabrisio Romano.
Manba bergan xabarga ko‘ra, yaqin orada 20 yoshli braziliyalik o‘z agentlari bilan Parijga uchib ketadi va u yerda tibbiy ko‘rikdan o‘tadi va uzoq muddatli shartnoma imzolaydi.
Avvalroq, "San-Paulu" "Zenit"ning Beraldo borasidagi taklifini rad etgandi. Rossiya klubi 18 million yevro taklif qildi, biroq rad javobini oldi.
2023 yilgi mavsumda Beraldo 48 o‘yinda maydonga tushib, bitta gol urgan. Futbolchining amaldagi shartnomasi 2028 yilgacha mo‘ljallangan.
