“Сан-Паулу” ҳимоячиси Лукас Бералдо фаолиятини “ПСЖ”да давом эттириши мумкин, дея хабар бермоқда журналист Фабрицио Романо.

Манба берган хабарга кўра, яқин орада 20 ёшли бразилиялик ўз агентлари билан Парижга учиб кетади ва у ерда тиббий кўрикдан ўтади ва узоқ муддатли шартнома имзолайди.

Аввалроқ, "Сан-Паулу" "Зенит"нинг Беральдо борасидаги таклифини рад этганди. Россия клуби 18 миллион евро таклиф қилди, бироқ рад жавобини олди.

2023 йилги мавсумда Беральдо 48 ўйинда майдонга тушиб, битта гол урган. Футболчининг амалдаги шартномаси 2028 йилгача мўлжалланган.