BAAning Abu-Dabi shahrida ot sportining konkur yo‘nalishi bo‘yicha CSI 4*-W tasnifidagi musobaqa yakunlandi. Turnirning so‘nggi kuni O‘zbekiston terma jamoasi uchun muvaffaqiyatli o‘tdi.
145 sm balandlikdagi to‘siqlardan sakrash dasturida ishtirok etgan hamyurtimiz Abdurahmon Abdullayev oltin medalga sazovor bo‘ldi. Ushbu yo‘nalishda yurtdoshimizga “Caballone” laqabli tulpori hamrohlik qildi.
Musobaqada sportchi sifatida qatnashgan O‘zbekiston yilqichilik va ot sporti federasiyasi raisi Bahromjon Gaziyev “Lady” laqabli otda 125 sm, Abdurahmon Abdullayev 155 smli Gran-pri dasturida “Volour” tulporida yettinchi natijani qayd etishdi.
