"Real Madrid" yarim himoyachisi Luka Modrich "Qirollik klubi"dagi kelajagi uchun mas’ul. DiarioAS xabariga ko‘ra, klub rahbariyati xorvatiyalik futbolchiga kelajagini o‘zi hal qilishiga imkon bergan. 38 yoshli faxriyning amaldagi shartnomasi joriy mavsum oxirida yakuniga yetadi.

Shu bilan birga, Modrich shartnomani yana bir yilga uzaytirish yoki yozda erkin agent sifatida ketishni o‘zi hal qilishi mumkin.

Eslatib o‘tamiz, Modrich joriy mavsum Ispaniya chempionatida 1 ta gol urdi va 3 ta golli uzatmani amalga oshirdi. Avvalroq, tajribali yarim himoyachiga "An-Nasr" klubi qiziqayotgani haqida xabar berilgandi.