"Chelsi" tarbiyalanuvchisi, hozirda "Bornmut"da o‘ynayotgan Dominik Solanke "Tottenxem" futbolchisiga aylanishi mumkin. Bu haqda The Sun xabar bermoqda.
Manbaga ko‘ra, "shporlar"ning asosiy transfer maqsadi hujumchi Xarri Keynning o‘rniga to‘liq o‘rinbosar topish bo‘lib qolmoqda. London klubi skautlari Solankening harakatlarini diqqat bilan kuzatib borishmoqda. "Tottenxem" yanvar oyida 26 yoshli futbolchini sotib olish uchun "Bornmut"ga taklif bilan chiqishga tayyor.
Joriy mavsumda Solanke "Bornmut" safida barcha musobaqalarda 18 ta o‘yin o‘tkazib, 13 ta gol va bitta golli uzatmani amalga oshirdi.
