"Manchester Siti" iqtidorli braziliyalikni o‘z farm klubidan sotib olishi mumkin.
19 yoshli braziliyalik vinger Savio Moreyra "Troya"ga tegishli va "Jirona"da ijara asosida o‘ynaydi.
Ispaniya va Angliya klublari Manchester Siti va boshqa jamoalarga egalik qiluvchi City Football Group tarkibiga kiradi.
Fabrisio Romanoning so‘zlariga ko‘ra, "Manchester Siti" Savioni sotib olish imkoniyatini ko‘rib chiqmoqda.
Premyer-liga va Bundesliga klublari futbolchi uchun 30 million yevro taklif qilishga tayyor. Har holda futbolchi joriy mavsumni Kataloniya jamoasida yakunlaydi.
Savio La Liganing 18 uchrashuvida 4 ta gol urdi va 5 ta golli uzatmani amalga oshirdi.