Rossiya terma jamoasi va “Monako” klubi yarim himoyachisi Aleksandr Golovin kelajagi haqidagi fikrlari bilan o‘rtoqlashdi.

“Men kelajagimni qanday ko‘raman? Agar super-top klublar qo‘ng‘iroq qilsa, men borishga 100% tayyorman. Yana, agar bu klubga mos keladigan bo‘lsa.

Men o‘zimni sinab ko‘rishga tayyorman", - degan rossiyalik yarim himoyachi Nobel Arustamyanning yutub kanalida.

Eslatib o‘tamiz, Aleksandr 2018 yildan beri "Monako" sharafini himoya qilib kelmoqda. Avvalroq, matbuotda yarim himoyachiga Dortmundning «Borussiya» klubidan qiziqish borligi haqida xabarlar tarqalgan edi.

Golovinning monakoliklar bilan shartnomasi 2026 yilning o‘rtalariga qadar tuzilgan. Futbolchining transfer qiymati 30 million yevro.