"Manchester Yunayted" futbol klubi Angliya Premyer-ligasi tashkil etilgandan beri (1992 yildan beri) Boxing Day tarixidagi eng yaxshi jamoa bo‘lib kelmoqda.
Boxing Day deb 26 dekabr - Rojdestvo bayramidan keyingi kun bo‘lib o‘tadigan ingliz futbolidagi navbatdagi tur o‘yinlariga aytiladi.
“Qizil” iblislar shu kuni butun tarixlarida 27 ta uchrashuv o‘tkazishgan: 21 g‘alaba, 4 durang va 2 mag‘lubiyat. O‘rtacha to‘plangan ballar soni 2,48 ni tashkil qiladi.
Ikkinchi o‘rinda 2023/24 yilgi Angliya chempionatining Rojdestvo peshqadamiga aylangan Londonning "Arsenal" jamoasi (2,20) joylashgan. Kuchli uchlikni “Liverpul” (2,12) yopgan, 4-o‘rinda “Tottenxem” (2,04) va 5-o‘rinni “Chelsi” (1,71) egallab turibdi.
26 dekabr tunda kuni Erik Tag Xag shogirdlari “Old Trafford”da “Aston Villa”ga qarshi bahs olib boradi. Uchrashuv boshlanish vaqti Toshkent vaqti bilan 01:00.
Boxing Day tarixidagi eng yaxshi jamoalar ro‘yxati quyidagi suratda:
