«Manchester Yunayted» bosh murabbiyi Erik ten Xag Angliya chempionatining 19-turidan o‘rin olgan Birmingemning «Aston Villa» klubiga qarshi o‘yinda tanaffus vaqtida futbolchilariga aytgan gaplari haqida gapirdi.
U o‘yindan oldin o‘z jamoasi istalgan raqibni yutishga qodirligini aytgandi va so‘zining ustidan chiqdi.
«Jamoamiz har qanday raqibni eng yaxshi o‘yinini ko‘rsatgan holda mag‘lub etishga qodirligini aytgandim.
0:2 hisobida mag‘lub bo‘lganingizda ham bunga ishonishingiz kerak. Ahamiyati yo‘q. Taslim bo‘lmang va xarakter ko‘rsating.
Bu o‘yinda futbolchilarim o‘z xarakterini ko‘rsatishdi», - dedi gollandiyalik mutaxassis.
