«Манчестер Юнайтед» бош мураббийи Эрик тен Хаг Англия чемпионатининг 19-туридан ўрин олган Бирмингемнинг «Астон Вилла» клубига қарши ўйинда танаффус вақтида футболчиларига айтган гаплари ҳақида гапирди.
У ўйиндан олдин ўз жамоаси исталган рақибни ютишга қодирлигини айтганди ва сўзининг устидан чиқди.
«Жамоамиз ҳар қандай рақибни энг яхши ўйинини кўрсатган ҳолда мағлуб этишга қодирлигини айтгандим.
0:2 ҳисобида мағлуб бўлганингизда ҳам бунга ишонишингиз керак. Аҳамияти йўқ. Таслим бўлманг ва характер кўрсатинг.
Бу ўйинда футболчиларим ўз характерини кўрсатишди», - деди голландиялик мутахассис.
