Maurisio Pochettinoning tan olishicha, "Chelsi" mavsum uchun o‘z maqsadlariga erisha olmayapti.

London klubi 18 o‘yindan keyin 22 ochko bilan APL turnir jadvalida 11-o‘rinda bormoqda.

"To‘g‘risini aytsam, mening maqsadim, bizning maqsadimiz yuqorida bo‘lish edi. Garchi bunga hech kim ishonmasa ham. Lekin, albatta, biz boshqa narsalar uchun kurashishimiz kerak bo‘lgan holatdamiz.

Ha, biz "Chelsi"miz. Bizda tarix va hamma narsa bor, shuning uchun biz yuqorida bo‘lishni xohlaymiz, ammo hozir haqiqat shundaki, agar biz raqobatlashishni va ko‘proq o‘yinlarda g‘alaba qozonishni istasak, o‘z darajamizni oshirishimiz kerak", - dedi Pochettino.

Bugun "Chelsi" APLning 19-turi doirasida "Kristal Pelas"ga qarshi bahs olib boradi.