Маурисио Почеттинонинг тан олишича, "Челси" мавсум учун ўз мақсадларига эриша олмаяпти.
Лондон клуби 18 ўйиндан кейин 22 очко билан АПЛ турнир жадвалида 11-ўринда бормоқда.
"Тўғрисини айтсам, менинг мақсадим, бизнинг мақсадимиз юқорида бўлиш эди. Гарчи бунга ҳеч ким ишонмаса ҳам. Лекин, албатта, биз бошқа нарсалар учун курашишимиз керак бўлган ҳолатдамиз.
Ҳа, биз "Челси"миз. Бизда тарих ва ҳамма нарса бор, шунинг учун биз юқорида бўлишни хоҳлаймиз, аммо ҳозир ҳақиқат шундаки, агар биз рақобатлашишни ва кўпроқ ўйинларда ғалаба қозонишни истасак, ўз даражамизни оширишимиз керак", - деди Почеттино.
Бугун "Челси" АПЛнинг 19-тури доирасида "Кристал Пелас"га қарши баҳс олиб боради.
