Londonning "Tottenxem" klubi bosh murabbiyi Anj Postekoglu markaziy himoyachi Miki van de Ven safga qaytishga yaqin ekanligini aytdi.
Eslatib o‘tamiz, niderlandiyalik futbolchi noyabr oyida “Chelsi” bilan o‘yinda jarohat olgan edi. O‘shandan beri futbolchi maydonga tushmadi.
"Van de Ven tez orada safga qaytishi kerak. U "Byornli"ga qarshi o‘yinda tuzalib ketadi deb o‘ylamayman. Balki bu "MYU" bilan o‘yinda sodir bo‘lar. Mikki tiklanish jarayonining eng oxirida" - dedi Postekoglu matbuot anjumanida.
22 yoshli Van de Ven o‘tgan yozda Germaniyaning "Volfsburg" klubidan "Tottenxem"ga o‘tgan edi. Transfer summasi 40 million yevroni tashkil qildi.
