Лондоннинг "Тоттенхэм" клуби бош мураббийи Анж Постекоглу марказий ҳимоячи Мики ван де Вен сафга қайтишга яқин эканлигини айтди.
Эслатиб ўтамиз, нидерландиялик футболчи ноябрь ойида “Челси” билан ўйинда жароҳат олган эди. Ўшандан бери футболчи майдонга тушмади.
"Ван де Вен тез орада сафга қайтиши керак. У "Бёрнли"га қарши ўйинда тузалиб кетади деб ўйламайман. Балки бу "МЮ" билан ўйинда содир бўлар. Микки тикланиш жараёнининг энг охирида" - деди Постекоглу матбуот анжуманида.
22 ёшли Ван де Вен ўтган ёзда Германиянинг "Вольфсбург" клубидан "Тоттенхэм"га ўтган эди. Трансфер суммаси 40 миллион еврони ташкил қилди.
