Shotlandiya chempionati doirasidagi “Reynjers” va “Ross Kaunti” o‘rtasidagi uchrashuv qoldirildi.
Bu haqda Glazgo klubi matbuot xizmati xabar bermoqda.
"Aybroks" stadionidagi o‘yin maydoni yaxshi holatda va o‘yinga tayyor bo‘lsa-da, A9 trassasidagi noqulay ob-havo sharoiti mehmonlarimizga Glazgoga borishlariga to‘sqinlik qildi", - deyiladi "Reynjers" bayonotida.
"Reynjers" - "Ross Kaunti" uchrashuvi qachon o‘tkazilishi keyinroq ma’lum qilinadi.
"Reynjers" hozirda Shotlandiya chempionati turnir jadvalida ikkinchi o‘rinni egallab turibdi. Jamoa ikkita kam o‘yin o‘tkazgan holda "Seltik"dan 5 ochko ortda qolmoqda.
