Шотландия чемпионати доирасидаги “Рейнжерс” ва “Росс Каунти” ўртасидаги учрашув қолдирилди.
Бу ҳақда Глазго клуби матбуот хизмати хабар бермоқда.
"Айброкс" стадионидаги ўйин майдони яхши ҳолатда ва ўйинга тайёр бўлса-да, A9 трассасидаги ноқулай об-ҳаво шароити меҳмонларимизга Глазгога боришларига тўсқинлик қилди", - дейилади "Рейнжерс" баёнотида.
"Рейнжерс" - "Росс Каунти" учрашуви қачон ўтказилиши кейинроқ маълум қилинади.
"Рейнжерс" ҳозирда Шотландия чемпионати турнир жадвалида иккинчи ўринни эгаллаб турибди. Жамоа иккита кам ўйин ўтказган ҳолда "Селтик"дан 5 очко ортда қолмоқда.
