Xabar berganimizdek, O‘zbekiston delegasiyasi Kanvon-2024 IV qishki o‘smirlar Olimpiadasida ishtirok etadi. Kecha tunda musobaqada qatnashadigan sportchi va murabbiylarimiz Janubiy Koreyaga yo‘l olishdi.
Rejaga ko‘ra, hamyurtlarimiz bugundan mezbonlar taklifiga binoan “Dream Program 2024” loyihasida ishtirok etadilar. Mazkur loyiha sportchilarimizga mahalliy iqlimga moslashish barobarida musobaqaga munosib tayyorgarlik ko‘rishlari uchun yordam beradi.
Eslatib o‘tamiz, Kanvon-2024 doirasida Rauan Raimqulov hamda Sabina Rejepova tog‘ chang‘isi bahslarida yurtimiz sharafini himoya qilishadi. Samandar Asanov esa zaxira sportchisi sifatida shug‘ullanishda davom etadi.