Portugaliya milliy jamoasi murabbiyi Martinesning aytishicha, Krishtianu Ronaldu ushbu jamoada 250 ta o‘yinlik dovonni zabt etmoqchi ekan.
Hisoblaymiz. Hozirda Ronaldu hisobida 205 ta o‘yin bor. 45 ta qoldi. Bir yilda milliy jamoalar uchun 5 ta tanaffus bo‘ladi - har birida ikkitadan uchrashuvda maydonga tushsa, bir yilda 10 ta o‘yin bo‘ladi. Yevro-2024 bor, u yerda Portugaliya yarimfinalgacha borsayam, 6 ta o‘yin bo‘ladi.
Xullas, hisob kitoblarga ko‘ra, 45 ta o‘yinda maydonga tushishi uchun Ronalduga kamida 4 yil kerak bo‘lar ekan. 2024, 2025, 2026, 2027 yillar. Demak u keyingi, O‘zbekiston ham qatnashadigan Jahon Chempionatiga ham bormoqchi. 2027 yilda esa, u 42 yoshda bo‘lar ekan.
