Португалия миллий жамоаси мураббийи Мартинеснинг айтишича, Криштиану Роналду ушбу жамоада 250 та ўйинлик довонни забт этмоқчи экан.

Ҳисоблаймиз. Ҳозирда Роналду ҳисобида 205 та ўйин бор. 45 та қолди. Бир йилда миллий жамоалар учун 5 та танаффус бўлади - ҳар бирида иккитадан учрашувда майдонга тушса, бир йилда 10 та ўйин бўлади. Евро-2024 бор, у ерда Португалия яримфиналгача борсаям, 6 та ўйин бўлади.

Хуллас, ҳисоб китобларга кўра, 45 та ўйинда майдонга тушиши учун Роналдуга камида 4 йил керак бўлар экан. 2024, 2025, 2026, 2027 йиллар. Демак у кейинги, Ўзбекистон ҳам қатнашадиган Жаҳон Чемпионатига ҳам бормоқчи. 2027 йилда эса, у 42 ёшда бўлар экан.