"Manchester Yunayted"ning portugaliyalik yarim himoyachisi Brunu Fernandesh 2023 yil taqvim yilida Angliya Premyer-ligasi o‘yinlarida 100 ta golli vaziyatlar yaratdi, deb xabar bermoqda Squawka portali. "Qizil iblislar" sardori bu ko‘rsatkich bo‘yicha Angliya chempionati peshqadamiga aylandi.
Shuningdek, 2004/2005 yilgi mavsumda ushbu statistikani hisoblash boshlanganidan buyon Premyer-liganing bir nafar futbolchisi bunday natijaga erishgani xabar qilingan. 2015 yilda o‘sha paytda Londonning "Arsenal" jamoasida o‘ynagan germaniyalik yarim himoyachi Mesut O‘zil 104 ta golli vaziyat yaratdi.
Angliya chempionatining joriy mavsumida 29 yoshli portugaliyalik yarim himoyachi "Manchester Yunayted"ning 18 ta uchrashuvida qatnashib, 3 ta gol urdi va 3 ta golli uzatmani amalga oshirdi.
Ayni damda APLning 19 ta uchrashuvidan so‘ng "Manchester Yunayted" 31 ochko bilan oltinchi o‘rinda bormoqda.
