"Манчестер Юнайтед"нинг португалиялик ярим ҳимоячиси Бруну Фернандеш 2023 йил тақвим йилида Англия Премьер-лигаси ўйинларида 100 та голли вазиятлар яратди, деб хабар бермоқда Squawka портали. "Қизил иблислар" сардори бу кўрсаткич бўйича Англия чемпионати пешқадамига айланди.

Шунингдек, 2004/2005 йилги мавсумда ушбу статистикани ҳисоблаш бошланганидан буён Премьер-лиганинг бир нафар футболчиси бундай натижага эришгани хабар қилинган. 2015 йилда ўша пайтда Лондоннинг "Арсенал" жамоасида ўйнаган германиялик ярим ҳимоячи Месут Ўзил 104 та голли вазият яратди.

Англия чемпионатининг жорий мавсумида 29 ёшли португалиялик ярим ҳимоячи "Манчестер Юнайтед"нинг 18 та учрашувида қатнашиб, 3 та гол урди ва 3 та голли узатмани амалга оширди.

Айни дамда АПЛнинг 19 та учрашувидан сўнг "Манчестер Юнайтед" 31 очко билан олтинчи ўринда бормоқда.