Madridning “Real” klubi sobiq darvozaboni Diyego Lopes 42 yoshida futbolchilik faoliyatini yakunlaganini e’lon qildi. Bu haqda Mundo Deportivo xabar bermoqda.
Ispaniyalik darvozabonning so‘nggi klubi "Rayo Valyekano" bo‘lgan. Futbolchining jamoa bilan shartnomasi shu yilning iyul oyi boshida yakuniga yetgan. Tomonlar hamkorlikni uzaytirmaslikka qaror qilishdi. Darvozabon olti oy davomida klubsiz edi, shundan so‘ng u qo‘lqoplarini mixga ilishga qaror qildi.
Faoliyati davomida Lopes “Real”, “Milan”, “Vilyarreal”, “Sevilya”, “Espanyol” kabi jamoalarda o‘ynagan. Madrid klubi bilan darvozabon Chempionlar ligasi, La Liga va Ispaniya kubogini yutgan.
