Мадриднинг “Реал” клуби собиқ дарвозабони Диего Лопес 42 ёшида футболчилик фаолиятини якунлаганини эълон қилди. Бу ҳақда Mundo Deportivo хабар бермоқда.
Испаниялик дарвозабоннинг сўнгги клуби "Райо Вальекано" бўлган. Футболчининг жамоа билан шартномаси шу йилнинг июл ойи бошида якунига етган. Томонлар ҳамкорликни узайтирмасликка қарор қилишди. Дарвозабон олти ой давомида клубсиз эди, шундан сўнг у қўлқопларини михга илишга қарор қилди.
Фаолияти давомида Лопес “Реал”, “Милан”, “Вильярреал”, “Севилья”, “Эспаньол” каби жамоаларда ўйнаган. Мадрид клуби билан дарвозабон Чемпионлар лигаси, Ла Лига ва Испания кубогини ютган.
