"Inter" yarim himoyachisi Lyusen Agume ijara asosida "Sevilya"ga o‘tishi mumkin. Bu haqda jurnalist Matteo Moretto xabar berdi.

Manbaga ko‘ra, ispan klubi vakillari "Inter" rahbariyati bilan ehtimoliy transfer borasida muzokaralarni boshlab yuborgan. Milanliklar 21 yoshli futbolchining ijarasiga xalaqit bermaydi.

Agume "Inter"da 2019 yildan buyon o‘ynab kelmoqda. Joriy mavsumda yarim himoyachi “neradzurri” safida A Seriyaning 7-turida “Salernitana” bilan o‘yinda (4:0) bor-yo‘g‘i 5 daqiqa harakat qildi. Futbolchining Milan klubi bilan shartnomasi 2025 yilning iyun oyi oxirigacha amal qiladi.