"Milan"ning sobiq bosh murabbiyi Arrigo Sakkining fikricha, 2021 yilda Hakan Chalxano‘g‘lu ketganidan keyin jamoaning o‘yini pasaygan. Hozir turkiyalik yarim himoyachi "Inter" safida porlamoqda va ayniqsa "Milan"ga qarshi o‘yinlarda yaxshi harakat qilmoqda.
"U maydonda ko‘p ishlaydi, men uni hamma joyda ko‘raman. U o‘zi yuguradi va boshqalarni yugurtiradi. Albatta, “Milan” uning ketishiga yo‘l qo‘yib xato qildi. Bunday xatolar sodir bo‘ladi. Masalan, bir paytlar men Andrea Pirloning iqtidorini tan olmagandim, shundan keyingina uning kimligini hammamiz tushunib yetdik. Chalxano‘g‘lu "Inter"da jamoaning asosiy o‘yinchisiga aylandi", - dedi Sakki pianetamilan.it bilan suhbatda.
