"Милан"нинг собиқ бош мураббийи Арриго Саккининг фикрича, 2021 йилда Ҳакан Чалханўғлу кетганидан кейин жамоанинг ўйини пасайган. Ҳозир туркиялик ярим ҳимоячи "Интер" сафида порламоқда ва айниқса "Милан"га қарши ўйинларда яхши ҳаракат қилмоқда.
"У майдонда кўп ишлайди, мен уни ҳамма жойда кўраман. У ўзи югуради ва бошқаларни югуртиради. Албатта, “Милан” унинг кетишига йўл қўйиб хато қилди. Бундай хатолар содир бўлади. Масалан, бир пайтлар мен Андреа Пирлонинг иқтидорини тан олмагандим, шундан кейингина унинг кимлигини ҳаммамиз тушуниб етдик. Чалханўғлу "Интер"да жамоанинг асосий ўйинчисига айланди", - деди Сакки pianetamilan.it билан суҳбатда.
