"Nyukasl" himoyachisi Kiran Tripyer so‘nggi o‘yinlardagi yomon o‘yini haqida gapirdi.

“Afsuski, mening o‘yinim o‘z oldimga qo‘ygan darajaga yetmayapti. Biroq, men buni tan olishdan uyalmayman.

Bu mening faoliyatimda birinchi marta sodir bo‘layotgani yo‘q, men buni tan olishim va davom etishim kerak.

Men o‘z darajamga qaytishimga ishonaman", - deya Trippyerning so‘zlarini keltiradi This is Anfield nashri.

33 yoshli futbolchi shu paytgacha barcha musobaqalarda 26 ta o‘yinda maydonga tushdi va 8 ta golli uzatmani amalga oshirdi.

Aytish joizki, «Nyukasl» oxirgi paytlarda eng yaxshi natijalarni ko‘rsatmayapti. 19 tur yakunlariga ko‘ra, "qarg‘alar" Angliya chempionati turnir jadvalida sakkizinchi o‘rinni egallab turibdi.