Karlo Anchelotti boshchiligidagi "Real Madrid" murabbiylar shtabi 2023/2024 yilgi mavsumning ikkinchi qismi uchun jamoaning birinchi raqamli kiperini aniqladi.
Don Diario xabariga ko‘ra, "Real"da Andrey Lunin yuqori mavqega ega bo‘ladi. Ukrainalik darvozabon so‘nggi o‘yinlardagi ishonchli harakatlari bilan hayratda qoldirdi va buning evaziga ispaniyalik Kepa Arrisabalaga qarshi raqobatda g‘alaba qozondi.
Eslatib o‘tamiz, madridliklar jamoasining asosiy darvozaboni Tibo Kurtua jarohati tufayli uzoq muddat safdan chiqqan edi.
Joriy mavsumda Lunin “Real” safida 9 ta o‘yinda maydonga tushdi. Darvozabon oltita gol o‘tkazib yubordi va to‘rtta o‘yinda o‘z darvozasi daxlsizligini saqlab qoldi.
