Карло Aнчелотти бошчилигидаги "Реал Мадрид" мураббийлар штаби 2023/2024 йилги мавсумнинг иккинчи қисми учун жамоанинг биринчи рақамли киперини аниқлади.

Don Diario хабарига кўра, "Реал"да Aндрей Лунин юқори мавқега эга бўлади. Украиналик дарвозабон сўнгги ўйинлардаги ишончли ҳаракатлари билан ҳайратда қолдирди ва бунинг эвазига испаниялик Кепа Aррисабалага қарши рақобатда ғалаба қозонди.

Эслатиб ўтамиз, мадридликлар жамоасининг асосий дарвозабони Тибо Куртуа жароҳати туфайли узоқ муддат сафдан чиққан эди.

Жорий мавсумда Лунин “Реал” сафида 9 та ўйинда майдонга тушди. Дарвозабон олтита гол ўтказиб юборди ва тўртта ўйинда ўз дарвозаси дахлсизлигини сақлаб қолди.