«Manchester Siti» klubi va Angliya terma jamoasi yarim himoyachisi Jek Grilishning uyiga o‘g‘ri tushdi. Bu paytda 28 yoshli futbolchi o‘z jamoasi bilan «Everton»ga qrashi safardagi o‘yinga (3:1) yo‘l olgan bo‘lsa, uning oila a’zolari uyda "Siti"ning o‘yinini tomosha qilayotgan edi.

Uyda Jekning 10 ga yaqin qarindoshlari bor edi. Dastlab ular uyda begonalar borligini sezishmagan, keyin esa signalizasiya ishlab ketdi.

O‘g‘irlik natijasida hech kimga zarar yetmadi. Ammo o‘g‘rilar uydan umumiy narxi 1 million funtga teng soatlar va qimmatbaho buyumlarni olib chiqib ketishdi. Uy atrofida qidiruv ishlari olib borildi, ammo shubhali insonlar izi topilmadi.

Grilish joriy mavsumda «Manchester Siti» safida 21 o‘yinda ishtirok etib, 3 gol va 2 assist muallifiga aylandi.