Superliga yangi mavsumiga hozirlik ko‘rayotgan «Dinamo» jamoasi tayyorgarlik rejasi doirasidagi mavsum oldi 2-yig‘inini Toshkentda o‘tkazdi.
20-29 dekabr kunlari bo‘lib o‘tgan poytaxtdagi yig‘in doirasida jamoamiz safiga kelib qo‘shilgan o‘yinchilar haqida ma’lumot bergandik. Vadim Abramov shogirdlari dastlab «Lokomotiv» yoshlari bilan bahsda maydonga tushib, g‘alabaga (4:0) erishgan bo‘lsa, ikkinchi nazorat o‘yinida «Neftchi» mag‘lub etildi (1:2).
«Dinamochilar» bugun, 29 dekabrda Toshkentdan Samarqandga qaytishdi. Klub yangi yil bayramidan keyin 3 yanvardan yana Toshkentda to‘planib, mashg‘ulotlarga kirishadi. 17 yanvarda esa dastlabki xorij yig‘inini o‘tkazish uchun Dubayga jo‘nab ketadi.
