“Al-Ahli” hujumchisi Roberto Firmino tez orada Yevropaga qaytishi mumkin.
Braziliyalik futbolchi o‘tgan mavsum oxirida "Liverpul"ni erkin agent sifatida tark etgan va iyul oyida Saudiya klubi bilan shartnoma imzolagan edi. Avval xabar qilinganidek, hujumchining “Al-Ahli”dagi faoliyati yanvar oyida yakunlanishi mumkin va unga Saudiya Arabistoni chempionatining boshqa vakillari qiziqish bildirishmoqda. TalkSport xabariga ko‘ra, 32 yoshli futbolchiga Yevropada ham talab katta: Angliyaning "Sheffild Yunayted" va bir qator nomi noma’lum turk klublari uni taklif qilmoqchi.
Roberto Firmino “Al-Ahli” safida 16 ta o‘yinda maydonga tushib, 3 ta gol urdi va 2 ta golli uzatmani amalga oshirdi.