“Ал-Аҳли” ҳужумчиси Роберто Фирмино тез орада Европага қайтиши мумкин.
Бразилиялик футболчи ўтган мавсум охирида "Ливерпуль"ни эркин агент сифатида тарк этган ва июль ойида Саудия клуби билан шартнома имзолаган эди. Аввал хабар қилинганидек, ҳужумчининг “Ал-Аҳли”даги фаолияти январь ойида якунланиши мумкин ва унга Саудия Арабистони чемпионатининг бошқа вакиллари қизиқиш билдиришмоқда. TalkSport хабарига кўра, 32 ёшли футболчига Европада ҳам талаб катта: Англиянинг "Шеффилд Юнайтед" ва бир қатор номи номаълум турк клублари уни таклиф қилмоқчи.
Роберто Фирмино “Ал-Аҳли” сафида 16 та ўйинда майдонга тушиб, 3 та гол урди ва 2 та голли узатмани амалга оширди.
